क्षणभरासाठी असते ती पत्नी, अनंत काळाची असते ती आई.
बाळाचे चरित्र घडवत असताना स्वतः चे अस्तित्व विसरून जाते ती असते आई.
कधी ओरडते, कधी प्रेमाने जवळ घेते ती असते आई.
छोट्या चुकीसाठी कान पकडते, पण मोठे अपराध सुध्दा स्वतः च्या पोटात घेते ती असते आई,
हसते, हसविते, रडते,कधी बागडते, कधी पडते, कधी धडपडते,कधी चुकते, सतत नवीन काही तरी शिकते, शिकवत असते ती असते आई.
मातृत्वाचा खडतर आणि निरंतर प्रवास स्वतः च्या मुखावर स्मित हास्य ठेऊन आल्हाददायक बनवते ती असते आई.
बाळाच्या मागे पुढे करता करता स्वतः चे आवरायला विसरते ती असते आई.
निःस्वार्थ प्रेम करते ती असते आई.
चिऊ काऊ चा घास भरविताना स्वतः ची भूक विसरून जाते ती असते आई.
स्वतः आई,बाबा झाल्यावर जिची पावलो पावली आठवण येते ती असते आई.
ठेच लागल्यावर जिला आपण पहिली हाक मारतो ती असते आई.
जीच वर्णन करायला शब्द अपुरे पडतात ती असते आई.
जीवन नावाच्या परीक्षे साठी आपल्याला तयार करते ती असते आई,
कितीही मोठे झालो तरी जिच्या कुशीत शांत झोप लागते ती असते आई.
डॉ.अश्विनी अल्पेश नाईक.
